أحب أتنين سوا ...الميه والهــوا
ليلى مراد 
مطــــــــــــــــــــــــــــــــــــــــــروح
مطــــــــــــــــــــــــــــــــــــــــــروحبجد حته منى ..من كيانى ..من تكوينى
بروحها...بناسها ..بجوها ...ببحرها..بذكرياتها..
بكل حاجه فيها حلوة
كورنيش مطروح وجماله ..صوت الميه وانت لسه صاحى ساعة الصبحية ومفتح عينيك على أجمل منظر فى الدنيا
صابر بتاع الآيس كريم...ليل مطروح وهدوءه
شارع اسكندريه والزحمة اللى فيه وجمال الناس اللى فيه
ده كله طبعا غير جوها الساحر ومايتها الصافيـــــــــــة
وغير كل شاطئ وسحره وجماله
شاطئ الغرام وصخرة ليلى مراد وحمام كليوباترا وعجيبه اللى بجد تاخدك لعالم تانى
وعلم الروم والابيض شاطئ مبارك
حاجه بجد تاخد العقل والروح ...تبص بس لمنظر البحر ياخدك من كل همومك وتسحر فيه وتنسى كل حاجه وانت جوه فى حضن البحر
يااااااااااااااه....انا دلوقتى بجد حاسه انى جواها وراكبة الطفطف وباخد جوله كده ع السريع
*********
بقالى حوالى 12 سنه على التوالى بصيف فيها
أكتر من نص عمرى
بقت جزء منى ... وانا جزء منها
والغريبه انى كل مرة بروح ليها بحس انى اول مرة اشوفها
حافظه تفاصيلها وشوارعها ومعالمهاوكل حته فيها...لكن فى كل مرة احب أملى عينى منها واتمتع بجمالها أكنها أول مرة أشوفها
بجــــــــــــــــــــد بعشقها وبعشق كل ركن فيها
ولو فكرت أعيش فى مكان غير اللى انا عايشه فيه ...أكيد المكان ده هيكون مطروح
جوايا حاجات كتيير ليها مش عارفه أوصفها غير بإن مطروح بجد
حتـــــــــــــــــــــــه منى
***************
واللى ما شفهاش وعايز يعيش فيها ولو لدقايق صغيرة
